بسم الله والحمد لله والصلاة والسلامة على رسول الله صلى الله عليه وسلم لما حد بييجي يطلب مني مساعدة مدمن في أنه يبطل ده بيكون طلب صعب ومحتاج مجهود كبير وعلشان تساعد أي حد عاوز يتعالج لازم تفهم دماغه وتفهم تفكيره إزاي وتفهم إيه اللي يسبب خلل في التفكير ده علشان كده سميت المقالات اللي احنا هنعملها في علاج الإدمان هي رحلة في دماغ المدمن بمعنى أن احنا محتاجين نروح نشوف إيه حصل في دماغ المدمن غيره عن الدماغ الطبيعي علشان ببساطة شديدة أي علاج محتاج أنت لو حد جاء قالك على أي حاجة فيها فساد أو حاجة فيها مشكلة أنت بتقوله طب وريني إيه المشكلة فإحنا النهاردة عاوزين نصلح دماغ المدمن وطبعا زي ما انتوا شايفين كده أنا أعمل كلمة دماغ بتعدد الألفات لأن بيحصل فيها أفت كتير جدا وهو فاكر أنه عمل دماغ لكن هي الحقيقة هو عمل خلل شديد قوي في دماغه وأقصد بالدماغ هي طريقة التفكير والم…
الرحلة دي محتاجة أدوات منك، محتاجة تكون عامل استعداد للرحلة دي، عارف ايه اللي ممكن يبقى يعني يوقفك في الطريق، ايه المعوقات، ايه الحاجات اللي ممكن تمنع استكمال هذه الرحلة، وسائل نقل هتروح عشان تشوف المكان ده فأنت محتاج وسائل نقل، محتاج لما توصل تبقى معاك أدوات استكشاف حقيقية مظبوطة وأدوات تقييم مظبوطة لحجم الفساد اللي موجود ده أو حجم الانهيار اللي حاصل أو حجم الخراب اللي حاصل، ومحتاج انك انت بعد ما يكون كده يبقى معاك يعني متكونش لوحدك في فريق من اللي هيساعدك في الحاجات اللي انت بتستكشفها في هذا المكان اللي حصل فيه شوية خراب، فإحنا محتاجين نعرف ايه هي الأدوات اللي معانا، ايه الوسائل اللي احنا هنسلكها عشان نوصل، ايه المعوقات اللي ممكن تمنعنا، وايه الأدوات اللي ممكن نستخدمها للاستكشاف ومين اللي هيقدر يساعدنا في الكلام ده مبدئيا يعني. دي اول مقال هنقوله تشويقا لللي جاي وإن شاء الله المرة الجاية أو المقال القادم نبدأ كده بالاستعداد للانطلاق لهذه الرحلة فاحنا مجهزين ايه في انطلاقنا للرحلة دي؟ وفي دماغنا ايه اللي ممكن يعني يعيقنا في الطريق؟ وازاي ايه اللي احنا هنعمله عشان نتغلب على هذه المعوقات؟ بإذن الله.
